ខេត្តកោះកុង ៖ កាលពីថ្ងៃទី១៥ ខែឧសភា ឆ្ណាំ២០២០ វេលាម៉ោង៨និង៣០នាទីព្រឹក មានប្រជាពលរដ្ឋប្រមាណពី30ទៅ40នាក់បានមកសាលាឃុំថ្មស ស្រុកបូទុមសាគរ ខេត្តកោះកុង ដើម្បីដាក់លិខិតស្នើសុំអមដោយស្នាមមេដៃប្រជាពលរដ្ឋចំនួន84មេដៃ សុំឲ្យលោក អឹក គួន មេឃុំថ្មស ជួយធ្វើអន្តរាគមន៍ទៅលើក្រុមហ៊ុន រ៉ូយ៉ាល់គ្រុប ROYAL group សហការជាមួយក្រុមហ៊ុន SINO STEEL ដែលបានបោះបង្គោលព្រំដីនិងវាស់វែងដោយ GPS លើដីកម្មសិទ្ធរបស់ពួកគាត់ ក្នុងនោះក៏មានការចូលរួមពីមន្រ្តីបរិស្ថាន និងតំណាងក្រុមហ៊ុនផងដែរ។
លោក អឹក គួន មេឃុំថ្មស ក៏បានទទួលយកសំណើរនេះហើយដែរ តែលោកថា មិនអាចដោះស្រាយត្រឹមឃុំបានទេ លោកនឹងបញ្ជូនសំណើរនេះទៅសាលាស្រុកបូទុមសាគរដោះស្រាយបន្ត ហើយសុំឲ្យមានតំណាងប្រជាពលរដ្ឋ៥នាក់ ដើម្បីងាយស្រួលក្នុងការដោះស្រាយ ។
យោងតាមលិខិតរបស់ក្រសួងដែនដី នគរូបនីយកម្ម និងសំណង់ លេខ ៣២០៩ ដ ន ស/អ ស ដ ភ បានអនុញ្ញាតិឲ្យក្រុមហ៊ុនខាងលើនេះចុះសិក្សាស្រាវជ្រាវពីផលប៉ះពាល់ប្រជាពលរដ្ឋនៅតំបន់នេះ ដោយកន្លងមកមានប្រជាពលរដ្ឋមួយចំនួនយល់ព្រមឲ្យវាស់វែង ខ្លះក៏មិនយល់ព្រម បង្កឲ្យមានបាតុភាពទំនាស់កើតឡើងជាហូរហែរហូតមកដល់ថ្ងៃនេះ ។
ចំណែកប្រជាពលរដ្ឋ បានសំណូមពរឲ្យភាគីខាងក្រុមហ៊ុនដកបង្គោលព្រំដីចេញ និងផ្អាកការវាស់វែងលើដីកម្មសិទ្ធរបស់ពួកគាត់ រងចាំការដោះស្រាយចរចារត្រូវរូវគ្នាជាមុនសិន ពួកគាត់មិនជំទាស់ការអភិវឌ្ឍន៍របស់រាជរដ្ឋាភិបាលទេ តែសុំឲ្យក្រុមហ៊ុនមានគោលការណ៍សំណងគោលនយោបាយណាមួយច្បាស់លាស់ជាមុនសិន ដែលពួកគាត់អាចទទួលយកបានតាមទីផ្សារសេរី ដើម្បីមានលទ្ធភាពទៅរស់នៅកន្លែងថ្មីបាន ៕
ចំណែកប្រជាពលរដ្ឋ បានសំណូមពរឲ្យភាគីខាងក្រុមហ៊ុនដកបង្គោលព្រំដីចេញ និងផ្អាកការវាស់វែងលើដីកម្មសិទ្ធរបស់ពួកគាត់ រងចាំការដោះស្រាយចរចារត្រូវរូវគ្នាជាមុនសិន ពួកគាត់មិនជំទាស់ការអភិវឌ្ឍន៍របស់រាជរដ្ឋាភិបាលទេ តែសុំឲ្យក្រុមហ៊ុនមានគោលការណ៍សំណងគោលនយោបាយណាមួយច្បាស់លាស់ជាមុនសិន ដែលពួកគាត់អាចទទួលយកបានតាមទីផ្សារសេរី ដើម្បីមានលទ្ធភាពទៅរស់នៅកន្លែងថ្មីបាន ៕